lon boh alamat skripsi nama
tugas kuliah leumpah meukarat
sampoe inoe hat sep brat lon rasa
teuma Bab keu Sa ka lheuh lon suson
jinoe lon sambong chapter keu dua
Meseum tsunami cuba lon himpon
lon cuba peu tron ban mandum data
Akselerasi tamat 4 thon
sinan hai ampon bak tsunami wisata
nyan keuh ata nyan loen peu phon
data lon suson puwoe na di banda
Di ureueng laen ka troh bak sagoe
karap seuleusoe bak ji keurija
sayang di ulon wahe e adoe
sampe uroenyoe baro lheuh BAB Sa
Hek that meuhudep sinoe lam rantoe
jioh ngon nanggroe seureuta poma
ingat seukripsi ulee lon phang phoe
pajan ulonnyoe jeut cok wisuda
Di ureueng laen seunang pikeran
nyang karap sidang girang jih teuka
laen nasib lon wahe e taulan
susah kon wayang pike bab dua
lon woe u gampong merumpok rakan
lam pertanyaan sabe pajan wisuda
han jeut jaweub meunyoe atra nyan
beu that beu meunan ulon useuha
neu bri ya Allah yang maha Rahman
beu ek lon paban cobaan teuka
beu tabah hate ngon kuat iman
neubri ya Tuhan beu rayek saba
meumada 'oh noe Ca'e lon karang
ka trep lon peundam lam lubok jiwa
nyoe keuh hai ampon ulon ci peutrang
kisah lon tuan rangoe leumpah na
Tidak ada komentar:
Posting Komentar